如何成为一名合格的山仔

2009年9月2日 | 分类: | 标签:

  今日同大家探讨下呢个题目《如何成为一名合格的山仔》。顾名思义,就系同大家讨论下点样先可以成为一名合格既山仔,作为一名山仔,首先要具备乜野条件,条件包括有;行为、语言、形态、外表衣着、品味、情感等方方面面既因素(以上只列表其中比较重要的因素,下文会再系重点之中选择更加重点既黎讲)。既然要研究一个咁伟大既题目,我地一定要做足功课,将研究目的了解清楚,我地呢篇研究,系通过大家探讨既方式,去帮助大家点样可以成为一名合格既山仔。而唔系去歧视、诽谤、侮辱、鄙视山仔,希望大家可以搞清楚题目目的,唔好将一篇咁伟大既研究颠倒左。好了,目的搞清楚,下面将开始正式研究探讨,首先大家要了解下山仔呢个词语既意思,山仔:特指男性,因为仔指男,女既叫捞妹,呢个以后有机会再探讨①名词:系广东人对乡下人,或者系对一D无文化、无见识、不合潮流等无见过世面既人的贬义称呼,又或者系对外省人既一个贬义称呼,通常情况下多指外省人;②形容词:亦可用作闹人词语,意思同前面所讲闹其无文化无见识等。例如:死山仔、正山仔……
  山仔既意思大家都明白了,咁我想问下大家,平时系街上你见到一个人,你系通过乜野黎到判断距系山仔既呢?一般不外乎以下几个方面:外表、行为、语言谈吐。我觉得呢三个方面系一个好仲要既因素标准,下面我地既重点就系讨论呢三个因素标准。首先,一外表:外表包括好多方面,呢度就唔再一一解释,当你系街上见到一个衣衫褴褛既人,你会唔会觉得距就系一个山仔呢?答案系否定既,因为一个衣衫褴褛既人,通常系乞儿又或者系傻佬。又一个,当你见到一个衣着完全唔搭配,好老土、好俗气、衣不称衫、衫不称鞋既人,大家一定会觉得距系一个山仔。外表,系一个人俾人既第一印象里面最重要最先决既条件,按照山仔既定义黎讲,将好好既一件衫裤,着到完全唔搭配,又或者将件衫着不伦不类咁,俾人既感觉就系无品味,唔识着,唔着好过着,呢D人,距地既眼光系唔同一般人,距地既眼光系非常之特别,距地会认为呢一个先系潮流着衫,咁样着先可以体现出个性、自我。举个例子,一个人着住件挂脖衫,本来着件挂脖衫无乜野,最多举手时人地睇到你“加拿大”D毛姐,但距竟然将下面衫尾卷起身,一路卷到胸口附近既位置。咁点呀?距会觉得好型、好有个性自我,而且仲好凉爽。又例如,着住条牛仔裤,卷起裤脚走街行,呢个大家都有试过,但多数都系条裤长过头,卷起小小费事拖地或者系太热了,两只裤脚都卷起身。但距地唔系喔,距地净系将一只裤脚卷起,又或者两只裤脚卷起但又唔持平既。呢D就系山仔既衣着了,好多时你出街见到D咁既人,你都认为距系山仔啦,所以大家想要做一个山仔,呢样外表因素一定要学习既。。再一个,你系街上见到一个衣着光鲜既人,你又会唔会认为距系一个山仔呢?讲到呢度,大家可能会犹豫了,一个衣着光鲜既人,距有可能系一个成功成熟既男人,亦都有可能系一个山仔。呢个应该点样去判断呢?呢个就要用下文所讲既“行为”去分析了。

本文并无歧视、诽谤、侮辱、鄙视等意思
未完待续…………
初稿:09年9月2日晚22点34分

声明: 本文遵循 BY-NC-SA 3.0 协议. 转载请注明转自: 如何成为一名合格的山仔
支持本博发展,请勿过滤广告。
  1. hamulakn
    2009年9月10日12:52

    唔通你想成为一个合格嘎山仔么?

XHTML: 您可以使用这些标签: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

注意: 评论者允许使用'@user空格'的方式将自己的评论通知另外评论者。例如, ABC是本文的评论者之一,则使用'@ABC '(不包括单引号)将会自动将您的评论发送给ABC。请务必注意user必须和评论者名相匹配(大小写一致)。