失恋了

2009年12月11日 | 分类: | 标签:

  本来标题系想写to meiran既,但今早一个短信彻底打破我既希望,无奈只好写失恋了。最近识左个女仔,我对距好心动好有感觉,而且仲要无男朋友,咁我梗系短信传情、约食饭约睇戏咁去追咯。11月28号到今日一共13日,6号星期日时成功约到食饭,跟住就到琴晚本来约到今晚食饭,或者唔使食饭俾机会我车距翻屋企。但今早问距几点接距,距话唔使麻烦我,自己搭车翻去就得了,多谢我好意咁话喔。我当堂就话失恋了,原来连车你返去都无资格。。

  其实呢几日里面我一路都觉得会有机会,而且琴晚仲倾左一个钟头有多既电话,我谂唔明点解本来肯应承,然后电话之后又变卦,可能我电话里头讲错野挂,但我又唔记得有讲错D乜,电话唔算倾得愉快,但又唔至于无野讲。真系好难明,我自问对人既感觉都算特别敏感,姐系你既一言一行都大概可以猜测到D野,但对住距,我一D都捉摸唔到,又可能我既思想层次未达到距既高度吧。我对追女仔无咩耐心,而且仲比较心急,但唔系话我个人无耐心,系追女仔无耐心姐,什么胆大心细脸皮厚,最后果样脸皮厚我就做唔到了。我系一个信感觉既人,所以我会去追你,你对我一开始有无感觉唔重要,重要系我对你做过D野付出过后,你有无感觉,咁如果你都系无感觉既话,咁我都唔会再去令到人地有负担了。

  唔甘心,真系好唔甘心,未曾试用过就被否决,感觉好唔爽。我唔介意你使尽我,只要俾机会我表现就得了,但连咁既机会都无。我自问样唔算衰,虽然屋企唔系有钱,但都算生活过得去,我对女朋友又够专一、体贴、细心,又就得女朋友(呢个要试过先知了,缺点唔系度讲)。无拍拖到宜家,其中都识到几个女仔,但无一个可以令我心动,唯有你,令我早已深藏的心又再蠢蠢欲动了。你问我信唔信你无人追,我感性话俾我听我好想信噶,但理性话俾我知,系无可能既,一个条件咁好既女仔,无人追打死我都唔信噶啦。谂谂下,其实琴晚你都透露左我可能无乜机会了,你话一个朋友同我一样钟意女仔都一样,距追你年几都追唔到,翻转过黎,你对同一类型人既感觉都一样,无感觉。

  乱写,唔知写D乜出黎,但又好想写晒出黎,感觉会舒服D。朋友,我好少女性朋友,经常联络既就更加少,女性朋友我只要我女朋友或老婆就够了,我会将我D心思放系自己女人身上,而唔会浪费系其他无发展可能既女性身上(间接赞下自己专一)。刚朋友问我,唔使我车,咁都算拒绝?系呀,因为距都知道我系追距,我亦都好明确咁话要追距。吓亲距?可能吧~放弃定系继续?我唔知点决定,此前我曾经同朋友讲话一年时间去追,但谂谂下,自己真系可能无咁好毅力。但一个好女仔,确实系值得用咁多时间去追哦,真系好难决定。

PS:距钟意睇人blog,睇距有无机会睇到呢篇野啦,睇下有无些少感动下距。

声明: 本文遵循 BY-NC-SA 3.0 协议. 转载请注明转自: 失恋了
支持本博发展,请勿过滤广告。
  1. kevin
    2009年12月11日11:15

    臻臻,睇开d,或者距以后会发现你d优点咧...

  2. Mr.lu
    2009年12月15日12:21

    原来那晚你是.......你重色轻友啊!不过我觉得你这样做正确啊!如果我是那个女的,被你感动了,也知道你的一言以行是在追她,有时可能她未准备好拍拖呢,心急不能办大事啊!慢慢来啦!如果你真的喜欢她,你细心一点点,耐心一点点到后来可能被你的诚意感动呢!不要随便放弃啊!加油!

  3. wah
    2010年1月21日19:59

    追女仔要有耐性,恆心,忍耐力。女仔有時會驚太容易追到你會唔珍惜,所以先會有所保留。未必係無機會嘅。

XHTML: 您可以使用这些标签: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

注意: 评论者允许使用'@user空格'的方式将自己的评论通知另外评论者。例如, ABC是本文的评论者之一,则使用'@ABC '(不包括单引号)将会自动将您的评论发送给ABC。请务必注意user必须和评论者名相匹配(大小写一致)。