Happy 牛 year!

2009年1月26日 | 分类: | 标签:

  首先系度祝各位新年快乐、身体健康、万事如意!新年既钟声刚刚响完(所谓既种声就系烟花炮仗既声),9点钟同朋友出去行花街,三支公无无聊聊甘游荡,谂住睇下有无花街艳遇,可惜见到个个靓女都系拖住条仔既,心都淡埋~上年佛山花街已经转左去文华路,其实上年行已经觉得无咩意思,今年一样无意思,唔够之前系流前好行,宜家一D feel都无。下年应该唔会再行了,除非有女相伴,甘就唔同讲法了。
  新既一年黎到,意味住自己又大一岁了,新既一年里面我希望事业可以更上一层楼,再进一步,希望自己可以稳多D、赚多D。虽然我成日讲话28、29岁先结婚都未迟,但其实我自己好想可以早D结婚,早D生个细路出黎玩下。当然啦,呢个只不过系自己所想,无能力去实现,自己都未养得掂自己,第日点养老婆仔囡。系度定简单既几个目标俾自己,睇下自己做唔做得到,下年再睇翻自己可以做到几样。第一:戒讲粗口,其实我以前都戒过,但好快又讲翻,可能身边D人都讲,所以自己无乜留意就跟住讲了;第二:唔赌钱,平时同朋友打下麻将,几十蚊出入,虽然呢D唔算系赌钱,但我都唔希望再继续落去了;第三:稳个女朋友,稳个好既女朋友,拍翻几年拖,有D感情基础,再有事业基础,甘就可以拉埋了。呢三样其实都好简单,唔难,有心做一定可以做到。我唔敢定一D太难既目标,例如要稳几钱个月,要买D咩买D乜甘。因为我对自己无乜信心,所以我真系唔敢定太高目标。
  原来我好耐无写过日志了,今晚有feel,所以就写下了。最近沉迷紧玩石器私服,所以无乜点理自己哩几个博客。不过宜家都无乜兴趣玩了,毕竟唔系以前甘沉迷,宜家玩两玩无瘾了,志在有D娱乐,有D寄托甘。

声明: 本文遵循 BY-NC-SA 3.0 协议. 转载请注明转自: Happy 牛 year!
支持本博发展,请勿过滤广告。
  1. 22
    2009年1月26日09:36

    新年快乐

XHTML: 您可以使用这些标签: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

注意: 评论者允许使用'@user空格'的方式将自己的评论通知另外评论者。例如, ABC是本文的评论者之一,则使用'@ABC '(不包括单引号)将会自动将您的评论发送给ABC。请务必注意user必须和评论者名相匹配(大小写一致)。